ബെംഗളുരു:ബംഗളൂരു- ഹുബ്ബള്ളി വന്ദേഭാരത് എക്സ്പ്രസ് ട്രെയിന് മേയ് അവസാനത്തോടെ ഓടിത്തുടങ്ങും. ബുധനാഴ്ച പരീക്ഷണയോട്ടം നടത്തി.
മൈസൂരു- ചെന്നൈ സര്വിസ് നടത്തുന്ന വന്ദേഭാരതിന്റെ ബോഗികള് ഉപയോഗിച്ചായിരുന്നു ഇത്.
കര്ണാടകയില് നിന്ന് സര്വിസ് നടത്തുന്ന രണ്ടാമത്തെ വന്ദേഭാരത് എക്സ്പ്രസാവും ഇത്. ദക്ഷിണ പശ്ചിമ റെയില്വേയുടെ ആദ്യ വന്ദേഭാരത് എക്സ്പ്രസും ഇതാണ്. നവംബര് മുതല് മൈസൂരു- ബംഗളൂരു- ചെന്നൈ വന്ദേഭാരത് എക്സ്പ്രസ് ഓടിത്തുടങ്ങിയിരുന്നു. ദക്ഷിണ റെയില്വേയാണ് ഈ ട്രെയിന് സര്വിസ് ആരംഭിച്ചത്. ചെന്നൈയില് നിന്ന് കോയമ്പത്തൂരിലേക്കും ദക്ഷിണ റെയില്വേ വന്ദേഭാരത് സര്വിസ് ആരംഭിച്ചിട്ടുണ്ട്.
മണിക്കൂറില് 130 കിലോമീറ്റര് വേഗത്തില് സഞ്ചരിക്കാനാവുന്ന വന്ദേഭാരത് എക്സ്പ്രസ് ബംഗളൂരുവില് നിന്ന് ഹുബ്ബള്ളിയിലേക്ക് ആറു മണിക്കൂര് കൊണ്ട് ഓടിയെത്തും. ഈ റൂട്ടില് ഇതുവരെയുള്ള ഏറ്റവും വേഗമേറിയ ട്രെയിന് ആറു മണിക്കൂറും 50 മിനിറ്റുംകൊണ്ട് ഓടിയെത്തുന്ന റാണിചെന്നമ്മ എക്സ്പ്രസാണ്. 469 കിലോമീറ്റര് വരുന്ന ഹുബ്ബള്ളി- ബംഗളൂരു റെയില്പാത ഇരട്ടപ്പാതയാക്കി വൈദ്യുതീകരിച്ചിരുന്നു. ഇതില് ഹുബ്ബള്ളി മുതല് സൗന്ഷി വരെ 20 കിലോമീറ്റര് മാത്രമാണ് ഇരട്ടിപ്പിക്കല് ബാക്കിയുള്ളത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
